Рэгістрацыя ў Мінску каштуе, як і раней прапіска – 300 долараў

Як стала вядома Еўрарадыё, сёння атрымаць рэгістрацыю каштуе cтолькі ж, колькі да яе ўвядзення каштавала “купленая” прапіска. І нават працэдура яе атрымання не стала прасцейшай - па-ранейшаму не абысціся без вандровак па кабінетах чыноўнікаў. А ў Дэпартаменце па грамадзянстве і міграцыі прызнаюцца, што рэгістрацыя - гэта проста новая форма ўліку насельніцтва.

Год таму ў Беларусі, наўзамен абавязковай прапіскі, была ўведзена рэгістрацыя па месцы пражывання. Ініцыятары новаўвядзення абяцалі, што гэта значна спросціць жыццё тым, хто ў пошуках лепшай працы пераязджае на новае месца жыхарства. Маўляў, каб ўладкавацца на працу, да прыкладу, у Мінску, не трэба будзе прапісвацца ў сваякоў альбо набываць прапіску. Дастаткова зарэгістравацца на знятай вамі кватэры. Еўрарадыё вырашыла даведацца, наколькі атрымаць рэгістрацыю прасцей, чым прапіску, і ці выгадней гэта па грошах.

Як стала вядома Еўрарадыё, атрымаць рэгістрацыю нават у сваякоў можна толькі ў тым выпадку, калі ў іх кватэры ёсць пэўная колькасць “вольных” метраў жылой плошчы. Але калі яны і ёсць, то на гэтым бюракратычныя забабоны на шляху гастарбайтэра з правінцыі не сканчаюцца. Па словах супрацоўніцы аднаго з мінскіх ЖЭСаў, і гаспадарам кватэры, і чалавеку, якому тыя вырашылі дапамагчы асесці ў сталіцы, давядзецца пабегаць па кабінетах чыноўнікаў.

ЖЭС: “У прысутнасці ўсіх паўналетніх, якія жывуць у той кватэры, куды ён будзе рэгістравацца, з пашпартамі, а таксама ў прысутнасці таго чалавека, які будзе рэгістравацца, з пашпартам у сябе ў ЖЭСе бярэце копію асабістага рахунку. І ўласнік, разам з тым, хто рэгіструецца, едзе заключаць дамову аб здачы-найме жылой плошчы. Потым едзе ў падатковую. І ў апошнюю чаргу - у разлікова-даведачны цэнтр свайго раёна на рэгістрацыю”.

Куды ехаць, каб заключыць тую дамову, залежыць ад формы ўласнасці на кватэру. Гэта можа быць альбо ЖЭС вашага раёна, альбо - раённая адміністрацыя.

А навошта ехаць у падатковую інспекцыю, Еўрарадыё патлумачыла начальніка інспекцыі па падатках і зборах Маскоўскага раёна Мінска Святлана Яцкевіч.

Святлана Яцкевіч: “Складзеная дамова аб здачы-найме перасылаецца нам. Гэта правіла ўстаноўлена Мінгарвыканкамам, але і па ўсёй краіне ёсць падатак за здачу жылога фонду ў наём у залежнасці ад колькасці пакояў. Пастанова наконт гэтага была прынята на сесіі гарвыканкама і гарсавета і дзейнічае яна ўжо каля 10 гадоў”.

Атрымліваецца, што рэгістрацыя - гэта не бясплатнае задавальненне. І сваяку, які вырашыў вам дапамагчы і зарэгістраваў у сваёй кватэры, давядзецца за сваю дабрачыннасць расплачвацца з дзяржавай. Колькі трэба плаціць, па словах начальніцы падатковай інспекцыі, вылічваецца асобна ў кожным канкрэтным выпадку.

Святлана Яцкевіч: “Зацверджаны Мінгарсаветам стаўкі падаткаў, не намі ж! Мы толькі з’яўляемся атрымальнікам, да нас людзі не ходзяць, усё гэта робіцца ў ЖРЭА, у ЖЭСе. Падчас афармлення дамовы робяцца ўсе налічэнні, нам дасылаюць. А потым людзі праз ашчадны банк аплачваюць. Памер выплат складаюць базавыя велічыні. Колькасць базавых велічынь для выплат залежыць ад колькасці пакояў, якія вы будзеце здаваць. Калі адзін пакой здаюць - то адна базавая велічыня, калі два - дзве, тры - тры. Але яшчэ прымяняецца каэфіцыент у залежнасці ад зоны, у якой знаходзіцца кватэра. Карацей, гэта ўсё - стаўкі падаткаў”.

Пазбегнуць выплаты падаткаў немагчыма. Нават калі гаспадар кватэры не збіраецца браць ніякай платы з чалавека, якога ў сябе зарэгістраваў. Альбо калі той чалавек нават і жыць па месцы рэгістрацыі не будзе.

Святлана Яцкевіч: “У пастанове Мінгарсавета не агаворваецца магчымасць здачы жылой плошчы бясплатна. Мінгарсаветам напісана, што падаткі здымаюцца “пры здачы ў наём”. А наём афармляецца дамовай. А бясплатна ці за грошы задаецца жылплошча - у дамове не агаворваецца”.

Па просьбе Еўрарадыё, у бухгалтэрыі аднаго з ЖЭСаў Мінска падлічылі, які падатак трэба будзе плаціць гаспадару кватэры ў раёне вуліцы Чкалава, калі ён зарэгіструе і, згодна з дамовай, здасць у наём адзін пакой. Па ўмове, чалавек гэты не з’яўляецца блізкім сваяком гаспадароў кватэры. Атрымалася - 52 тысячы ў месяц. За год набягае 624 тысячы рублёў. Два гады таму за такія ж грошы (300 долараў) можна было набыць мінскую прапіску.

З просьбай патлумачыць, які сэнс было ўводзіць сістэму рэгістрацыі, калі ні па грошах, ні па спрошчанасці афармлення нічога не выйграецца, Еўрарадыё звярнулася да намесніка начальніка Дэпартамента па грамадзянстве і міграцыі Аляксея Бегуна.

Аляксей Бягун: “Зараз гэта не панацэя ад усіх бед. Практычна, гэта першы крок у Беларусі ў галіне ўліку насельніцтва па месцы жыхарства. Яна дасталася нам, маю на ўвазе прапіску, ад былога СССР. Але ці быў сэнс ад увядзення рэгістрацыі, пакажа час”.

Па яго словах, сённяшняе заканадаўства не пакідае магчымасці ўхіліцца ад выплаты падаткаў. Але ж намеснік начальніка параіў, як пазбавіцца непатрэбных выдаткаў тым, хто па месцы рэгістрацыі насамрэч жыць не будзе, а будзе здымаць кватэру ў іншым месцы і ў іншых людзей.

Аляксей Бягун: “Жыць вы так не жывеце, а па іншым адрасе. Тады я задаю пытанне: “Навошта вам там рэгістравацца і плаціць такія грошы, калі вы можаце на іншых падставах зарэгістравацца там, дзе вы фактычна будзеце знаходзіцца?” Так, гэта будзе часовая рэгістрацыя тэрмінам на 1 год, але яна будзе адлюстроўваць ваша фактычнае месцазнаходжанне. І тут мы падыходзім да таго, каб здымаць кватэру афіцыйна. Гаспадар можа сказаць, што ён здасць вам кватэру, але па рэгістрацыі нічога рабіць не будзе таму, што не хоча плаціць падаткі. Але гэта ж няправільна! Як гэта - кватэру здаюць, а падаткі плаціць не хочуць!”

Такім чынам, зарэгістраваўшыся па месцы рэальнага жыхарства, чалавек пазбягае неабходнасці акрамя платы за кватэру, дзе ён жыве, плаціць падаткі за людзей, у кватэры якіх ён зарэгістраваны. Але, па вялікім рахунку, ніякай выгоды людзям увядзенне рэгістрацыі не прынесла - і грошы трэба плаціць за рэгістрацыю не меншыя, чым за прапіску, і аформіць рэгістрацыю прасцей не стала.

Еўрапейскае радыё для Беларусі

 2008-09-05 17:42:56 Версия для печати

Папярэднія навіны

- Тозик предложил Китаю поучаствовать в реализации проекта "Минск-Сити"
- Бизнес-союзы Калинина и Карягина должны перенести Червенский рынок до 1 июня
- В Минске разработают единую концепцию застройки пр. Победителей
- Ладутько рассказал об автовокзале "Московский", застройке Уручья и историческом центре Минска
- Города-спутники могут появиться вокруг областных центров Беларуси
- Замминистра архитектуры: "Понятие "микрорайон" должно уйти в прошлое"
- Парки Минска готовятся к открытию сезона аттракционов
Туут Аархіў нававiнаў Стужка навінаў у RSS | Архіў навінаў па месяцох


Апошняе ў праекце

1. Інстытут фізкультуры. 1976-2006
2. Прывакзальная плошча 1954-2006
3. Прывакзальная плошча. 1956-2006
4. Вуліца Камсамольская з боку вуліцы Кірава. 1950-я-2006
5. Вуліца Камсамольская, жылы дом на скрыжаваньні з вуліцай Карла Маркса. 1951-2006
6. Спуск да праспэкта з боку вуліцы Чырвонаармейскай. 1956-2006
7. Вуліца Карла Маркса, скрыжаваньне з вуліцай Валадарскага. Пач. XX ст.-2006
8. Касьцёл Прысьв. Дзевы Марыі і будынак былога езуіцкага калегіюма. 1917-2006
9. Плошча Свабоды. Будынак былога базыліянскага кляштара. Кан. XIX ст.-2006
10. Плошча Свабоды. Вуліца Кірылы і Мяфодзія. 1918-2006
11. Плошча Свабоды. Катэдральны праваслаўны сабор Сьв. Духа. Кан. XIX ст.-2006
12. Тэатар імя Янкі Купалы. 1931 - 2006
13. Расейскі драматычны тэатар. 1929 - 2006.
14. Вуліца Карла Маркса. Музэй гісторыі і культуры Беларусі. 1938 - 2006
15. Скрыжаваньне вуліцаў Карла Маркса і Леніна. 1939 - 2006.
16. Праспэкт Незалежнасьці і ўваход у Цэнтральны сквэр. 1938 - 2006.


Меню



Пошук


 


Фотазамалёўкі


· Іншы Менск

polack.by – Сайт о городе Полоцке.


Апытаньне


На якой мове павінны гучаць абвесткі на менскім чыгуначным вакзале, ці дублявацца на некалькіх?

На беларускай
На расейскай
На беларускай і расейскай
На беларускай і польскай
На беларускай і ангельскай
На беларускай, расейскай і ангельскай
На беларускай, расейскай і польскай
На беларускай, польскай і ангельскай
На расейскай і ангельскай



Вынікі

Адказаў 1565
Іншыя апытаньні


Апошняе на форуме


Няма дадзеных


Апошнія артыкулы


- Васіль Шарапаў "Сённяшняе і заўтрашняе сталіцы"
- Анатолъ Вялюгін, Тарас Хадкевіч "Рукі дружбы"
- Мікола Ткачоў "Сцяг ветэрана"
- Тарас Хадкевіч "Мінскі трактар"
- Алесь Асіпенка "Поступ веку"
- Ніл Гілевіч "Мой горад"
- Аляксандр Міронаў "За пераездам"
- Іван Навуменка "Афрыка ў Мінску"
- Іван Грамовіч "Мінскія поры года"
- Сяргей Грахоўскі "Тры песні любві"
- Рыгор Няхай "Мінскія замалёўкі"
- Уладзімір Карпаў "Мінскія сустрэчы"
- Яфім Садоўскі "Андруша"
- Мікалай Аляксееў "Абарона Мінска"
- Кузьма Чорны "Мінск"
- Раман Сабаленка "Першы пробны"
- Янка Скрыган "Падзяка"
- Станіслаў Шушкевіч "Родны горад"
- Яўген Рамановіч "Беларуская хатка"
- Цімафей Саладкоў "Векапомны семнаццаты"
- Антон Бялевіч "Камароўка"
- Уладзімір Караткевіч, Адам Мальдзіс "Горад паўстае. 1863-1864"
- Кастусь Кірэенка "Вуліца Янкі Купалы"
- Аляксей Русецкі "Аб Мінску"
- Алесь Бачыла "Самы лепшы горад"
- Еўдакія Лось "Мінчанка"
- Алесь Звонак "Ленінскі праспект"
- Міхась Калачынскі "На мінскіх вуліцах"
- Мікола Хведаровіч "Красуй, наш Мінск"
- Максім Лужанін "У роднай сталіцы"
- Максім Танк "Табе складаю гэты гімн"
- Аляксей Зарыцкі "Лебедзі"
- Анатоль Вялюгін "Палац піянераў"
- Васіль Вітка "Няміга"
- Пятро Глебка "Дзень вайны"
- Аркадзь Куляшоў "Вуліца Маскоўская"
- Анатоль Астрэйка "Плошча Свабоды"
- Піліп Пестрак "Кірмаш" Урывак з паэмы
- Янка Купала "Водклік з 29 кастрычніка 1905 г. у Мінску"
- Мікола Аўрамчык "Домік I з'езда РСДРП"
- Рыгор Барадулін "Мянеск"
- Пімен Панчанка "Слова пра Мінск"
- Павал Севярынец. "Нацыянальная ідэя". Вытрамкі.
- Прывілей Менску на Магдэбургскае права 1499 года
- Вуліца Валадарскага, 13. Дом фон Гельперсен.
- Вуліца Ракаўская, 14. Дом Рубінштэйна.
- Вуліца Рэвалюцыйная, 15. Дом Бакштанскага.
- Вуліца Ракаўская, 17, дом Чэрчыса.
- Вуліца Герцэна, 4. Дом Вігдорчыкаў
- Вуліца Валадарскага, 4. Дом Старобінскай.
- Вуліца Рэвалюцыйная, 13. Дом Варгафціка
- Вуліца Камсамольская, 7
- Вуліца Рэвалюцыйная, 24. Дом Залкінда.
- Вуліца Рэвалюцыйная, 11. Дом Фішэра.
- Вуліца Рэвалюцыйная, 22. Дом Фішэра.
- Вуліца Рэвалюцыйная, 28. Дом Ельскіх.
- Рашэньне Менскага гарадзкога Савета дэпутатаў ад 5 верасьня 1991 г. №167 "Аб гербе г.Мiнска i аб вяртаннi гораду яго гiстарычнай назвы Менск"
- Галіна Булыка "Стары Менск"
- Брылевічы
- Вуліца Савецкая, 17
- III Дом Саветаў. Вуліца Максіма Багдановіча, 23.
- I Дом Саветаў, вуліца Савецкая, 19
- Адкрыты ліст гісторыкаў аб неабхонасьці спыненьня гвалтоўнага разбурэньня гістарычнага цэнтра Менска
- М Валодзін "Койдановская", верш
- М.Валодзін "Музыкальный переулок", верш
- М. Валодзін "Соборная площадь", верш
- Ракаўская вуліца, 24.
- Вуліца Рэвалюцыйная, 4 і 6.
- Аб зацьверджаньні сьпіса будынкаў і збудаваньняў, якія зьяўляюцца аб'ектамі гісторыка-культурнай спадчыны ў межах гістарычнага цэнтра Менска
- Перайменаваньні менскіх вуліцаў падчас нямецкай акупацыі
- Антон Адамовіч "Менску (на ўгодкі вялікае пажогі)"
- Ведамасныя жылыя дамы ў цэнтры Менска
- Рэвалюцыйная вуліца
- Ленінградская вуліца


Наш гузік



код гузіка



Лічыльнікі