Росьпісы будуць уратаваныя. A Верхні горад?

Сёньня адбылося грамадзкае абмеркаваньне будучыні сьценавых росьпісаў, знойдзеных падчас рэстаўрацыі гістарычнага будынку ХІХ стагодзьдзя на вуліцы Камсамольскай у Менску. Фрэскі, агульная плошча якіх перавышае 40 квадратных мэтраў, маюць вялікую гістарычную каштоўнасьць. Знайшлі іх дзякуючы высілкам актывістаў Беларускага таварыства аховы помнікаў гісторыі і культуры. Гэта ці ня першы прыклад за час татальнага вынішчэньня гістарычнага цэнтру, калі дзяржаўныя структуры адгукнуліся на голас грамадзкасьці.
Шум вакол неабходнасьці прыпыненьня далейшых працаў на доме ХІХ стагодзьдзя, які многія ведаюць дзякуючы арыгінальна аформленай краме “Швайцарскія гадзіньнікі”, узьняў старшыня Беларускага таварыства аховы помнікаў гісторыі і культуры Антон Астаповіч.

Росьпісы на ўнутраных сьценах заўважыў адзін зь сябраў таварыства Аляксей Фралоў. Мяркуецца, што гэта самадзейная праца мастака, які жыў у ХІХ стагодзьдзі і для афармленьня свайго інтэр’еру скарыстаў тагачасную тэхніку росьпісу. А каб ня пільнасьць добраахвотных дасьледчыкаў? Галоўны інжынэр прадпрыемства Менгарвыканкаму “Менская спадчына” Міхаіл Жых запэўніў, што росьпісы ня зьніклі б:

“Мы б самі заўважылі. Раней ці пазьней, але заўважылі б таксама. Таму што працы па гэтым будынку толькі пачаліся, і будынак вельмі цяжкі ў пляне рэстаўрацыі. Уся цэгла мае якасныя характарыстыкі толькі 10—12% нясучай здольнасьці. Таму трэба адразу рэстаўраваць будынак, а ўжо потым глядзець заўважаны тут фрэскавы жывапіс”.

На пытаньне, як будзе вырашацца пытаньне захаваньня росьпісаў, калі ў будынку разьмесьцяцца офісы, спадар Жых адказаў:

“Па цяперашнім стане і ў адпаведнасьці з рашэньнем Менгарвыканкаму гэта адміністратыўны будынак. То бок офіснае памяшканьне. Але, можа, ёсьць сэнс яшчэ падумаць — і за той тэрмін, які ў нас ёсьць для рэканструкцыйных працаў, зьмяніць яго функцыянальнае прызначэньне. Можа, гэта будзе якаясьці антыкварная крама, можа, музэй нейкага мастака. Падумаць можна”.

На нарадзе таксама прысутнічалі мастак-рэстаўратар Фёдар Сарока, архітэктарка дзяржаўнага прадпрыемства “Праектрэстаўрацыя” Лілія Чарняўская, дырэктар Цэнтру рэгенэрацыі гісторыка-культурных ляндшафтаў і тэрыторый Аляксандар Крокатаў, спэцыяліст у галіне рэстаўрацыі і кансэрвацыі архітэктурных помнікаў Уладзімер Папруга, а таксама ўжо згаданы Антон Астаповіч. Ён расказаў, што ў выніку перамоваў прынятае рашэньне цягам тыдня зрабіць хімічны аналіз росьпісаў. Мэта — вызначыць тып жывапісу і спосабы захаваньня яго фрагмэнтаў. Агульная іх плошча складае 42 квадратныя мэтры.

“Гэта гістарычная каштоўнасьць, якая паказвае, што нашы мяшчане (хоць яшчэ ад савецкіх часоў павялося, што мяшчанства — гэта ня вельмі добрая характарыстыка) цягнуліся да прыгажосьці. Сапраўды, гэта сьведчаньне разуменьня прыгожага вось гэтым клясам мяшчанства. Гэта якраз тое, што яны запазычвалі ў верхняга, арыстакратычнага сацыяльнага слою”.

Штогод з дазволу уладаў пры так званым аднаўленьні гістарычнага цэнтру Менску нішчацца дзясяткі архітэктурных помнікаў, на іх месцы ўзводзяцца навабуды, а культурныя пласты без археалягічных дасьледаваньняў вывозяцца на сьметнік.

Былы галоўны дзяржаўны інспэктар аховы гісторыка-культурнай спадчыны Менгарвыканкаму Ўладзімер Папруга перакананы: уратаваць Менск у цяперашняй сытуацыі можна толькі ўмяшаньне кіраўніка краіны. Ён згадвае, што трыццаць гадоў таму разбурэньню гістарычнай часткі сталіцы перашкодзіў тагачасны лідэр Пётар Машэраў:

“На гэта ёсьць вельмі моцны аналяг, які нават прыдумляць ня трэба. У нас абсалютна аналягічная сытуацыя з гістарычным цэнтрам канца 1970-х. Тое, што мы на сёньняшні дзень маем Верхні горад, гісторыка-культурную каштоўнасьць найвышэйшай нацыянальнай катэгорыі (першай), — аказваецца, гэта толькі дзякуючы ўмяшаньню савецкага прэзыдэнта тагачаснай Беларусі Пятра Машэрава. Ён тады адрэагаваў на сыгналы грамадзкасьці.

Калі б адэкватна, карэктна матываваны меў розум умяшацца ў цяперашні працэс Аляксандар Лукашэнка, то ў выніку мы мелі б ня толькі Верхні горад, які сёньня пад небясьпекай поўнай страты сваіх базавых характарыстык гісторыка-культурнай каштоўнасьці, мы мелі б гістарычны цэнтар Менску ў цэлым. Мелі б мажлівасьць карэктнага вырашэньня канфліктнай сытуацыі паміж Менскам савецкім і Менскам гістарычным. Што, праўдападобна, у пэрспэктыве зьявілася б галоўным дасягненьнем сёньняшняй адміністрацыі на ўсю гістарычную пэрспэктыву”.

Тым часам рэальная небясьпека пагражае яшчэ аднаму знакаваму будынку беларускай сталіцы. Антону Астаповічу трапіў у рукі пратакол даручэньняў прэзыдэнта Беларусі, дадзеных Савету міністраў і Кіраўніцтву спраў прэзыдэнта, які прадугледжвае знос старой Нацыянальнай бібліятэкі. У дакумэнце адзначаецца: прадугледзець у праекце дзяржаўнай інвэстыцыйнай праграмы на 2009—2010 гады ўзьвядзеньне новага будынку для разьмяшчэньня дзяржаўных установаў па вуліцы Чырвонаармейскай, 9. Дзеля гэтага згаданым ведамствам сумесна з Нацыянальным сходам і Канстытуцыйным судом неабходна ў 2-месяцовы тэрмін унесьці прапановы на знос старога будынка і пабудовы на яго месцы новага для разьмяшчэньня там Палаты прадстаўнікоў і Савету Рэспублікі, а таксама Канстытуцыйнага суду. Будынак Нацыянальнай бібліятэкі — адзін з рэдкіх ацалелых помнікаў канструктывізму першай паловы ХХ стагодзьдзя. Празь яго да пабудовы новай бібліятэкі прайшлі практычна ўсе студэнты, якія навучаліся ў Менску.

Радыё Свабода

 2008-07-01 12:58:52 Версия для печати

Папярэднія навіны

- Тозик предложил Китаю поучаствовать в реализации проекта "Минск-Сити"
- Бизнес-союзы Калинина и Карягина должны перенести Червенский рынок до 1 июня
- В Минске разработают единую концепцию застройки пр. Победителей
- Ладутько рассказал об автовокзале "Московский", застройке Уручья и историческом центре Минска
- Города-спутники могут появиться вокруг областных центров Беларуси
- Замминистра архитектуры: "Понятие "микрорайон" должно уйти в прошлое"
- Парки Минска готовятся к открытию сезона аттракционов
Туут Аархіў нававiнаў Стужка навінаў у RSS | Архіў навінаў па месяцох


Апошняе ў праекце

1. Інстытут фізкультуры. 1976-2006
2. Прывакзальная плошча 1954-2006
3. Прывакзальная плошча. 1956-2006
4. Вуліца Камсамольская з боку вуліцы Кірава. 1950-я-2006
5. Вуліца Камсамольская, жылы дом на скрыжаваньні з вуліцай Карла Маркса. 1951-2006
6. Спуск да праспэкта з боку вуліцы Чырвонаармейскай. 1956-2006
7. Вуліца Карла Маркса, скрыжаваньне з вуліцай Валадарскага. Пач. XX ст.-2006
8. Касьцёл Прысьв. Дзевы Марыі і будынак былога езуіцкага калегіюма. 1917-2006
9. Плошча Свабоды. Будынак былога базыліянскага кляштара. Кан. XIX ст.-2006
10. Плошча Свабоды. Вуліца Кірылы і Мяфодзія. 1918-2006
11. Плошча Свабоды. Катэдральны праваслаўны сабор Сьв. Духа. Кан. XIX ст.-2006
12. Тэатар імя Янкі Купалы. 1931 - 2006
13. Расейскі драматычны тэатар. 1929 - 2006.
14. Вуліца Карла Маркса. Музэй гісторыі і культуры Беларусі. 1938 - 2006
15. Скрыжаваньне вуліцаў Карла Маркса і Леніна. 1939 - 2006.
16. Праспэкт Незалежнасьці і ўваход у Цэнтральны сквэр. 1938 - 2006.


Меню



Пошук


 


Фотазамалёўкі


· Іншы Менск

polack.by – Сайт о городе Полоцке.


Апытаньне


На якой мове павінны гучаць абвесткі на менскім чыгуначным вакзале, ці дублявацца на некалькіх?

На беларускай
На расейскай
На беларускай і расейскай
На беларускай і польскай
На беларускай і ангельскай
На беларускай, расейскай і ангельскай
На беларускай, расейскай і польскай
На беларускай, польскай і ангельскай
На расейскай і ангельскай



Вынікі

Адказаў 1586
Іншыя апытаньні


Апошняе на форуме


Няма дадзеных


Апошнія артыкулы


- Васіль Шарапаў "Сённяшняе і заўтрашняе сталіцы"
- Анатолъ Вялюгін, Тарас Хадкевіч "Рукі дружбы"
- Мікола Ткачоў "Сцяг ветэрана"
- Тарас Хадкевіч "Мінскі трактар"
- Алесь Асіпенка "Поступ веку"
- Ніл Гілевіч "Мой горад"
- Аляксандр Міронаў "За пераездам"
- Іван Навуменка "Афрыка ў Мінску"
- Іван Грамовіч "Мінскія поры года"
- Сяргей Грахоўскі "Тры песні любві"
- Рыгор Няхай "Мінскія замалёўкі"
- Уладзімір Карпаў "Мінскія сустрэчы"
- Яфім Садоўскі "Андруша"
- Мікалай Аляксееў "Абарона Мінска"
- Кузьма Чорны "Мінск"
- Раман Сабаленка "Першы пробны"
- Янка Скрыган "Падзяка"
- Станіслаў Шушкевіч "Родны горад"
- Яўген Рамановіч "Беларуская хатка"
- Цімафей Саладкоў "Векапомны семнаццаты"
- Антон Бялевіч "Камароўка"
- Уладзімір Караткевіч, Адам Мальдзіс "Горад паўстае. 1863-1864"
- Кастусь Кірэенка "Вуліца Янкі Купалы"
- Аляксей Русецкі "Аб Мінску"
- Алесь Бачыла "Самы лепшы горад"
- Еўдакія Лось "Мінчанка"
- Алесь Звонак "Ленінскі праспект"
- Міхась Калачынскі "На мінскіх вуліцах"
- Мікола Хведаровіч "Красуй, наш Мінск"
- Максім Лужанін "У роднай сталіцы"
- Максім Танк "Табе складаю гэты гімн"
- Аляксей Зарыцкі "Лебедзі"
- Анатоль Вялюгін "Палац піянераў"
- Васіль Вітка "Няміга"
- Пятро Глебка "Дзень вайны"
- Аркадзь Куляшоў "Вуліца Маскоўская"
- Анатоль Астрэйка "Плошча Свабоды"
- Піліп Пестрак "Кірмаш" Урывак з паэмы
- Янка Купала "Водклік з 29 кастрычніка 1905 г. у Мінску"
- Мікола Аўрамчык "Домік I з'езда РСДРП"
- Рыгор Барадулін "Мянеск"
- Пімен Панчанка "Слова пра Мінск"
- Павал Севярынец. "Нацыянальная ідэя". Вытрамкі.
- Прывілей Менску на Магдэбургскае права 1499 года
- Вуліца Валадарскага, 13. Дом фон Гельперсен.
- Вуліца Ракаўская, 14. Дом Рубінштэйна.
- Вуліца Рэвалюцыйная, 15. Дом Бакштанскага.
- Вуліца Ракаўская, 17, дом Чэрчыса.
- Вуліца Герцэна, 4. Дом Вігдорчыкаў
- Вуліца Валадарскага, 4. Дом Старобінскай.
- Вуліца Рэвалюцыйная, 13. Дом Варгафціка
- Вуліца Камсамольская, 7
- Вуліца Рэвалюцыйная, 24. Дом Залкінда.
- Вуліца Рэвалюцыйная, 11. Дом Фішэра.
- Вуліца Рэвалюцыйная, 22. Дом Фішэра.
- Вуліца Рэвалюцыйная, 28. Дом Ельскіх.
- Рашэньне Менскага гарадзкога Савета дэпутатаў ад 5 верасьня 1991 г. №167 "Аб гербе г.Мiнска i аб вяртаннi гораду яго гiстарычнай назвы Менск"
- Галіна Булыка "Стары Менск"
- Брылевічы
- Вуліца Савецкая, 17
- III Дом Саветаў. Вуліца Максіма Багдановіча, 23.
- I Дом Саветаў, вуліца Савецкая, 19
- Адкрыты ліст гісторыкаў аб неабхонасьці спыненьня гвалтоўнага разбурэньня гістарычнага цэнтра Менска
- М Валодзін "Койдановская", верш
- М.Валодзін "Музыкальный переулок", верш
- М. Валодзін "Соборная площадь", верш
- Ракаўская вуліца, 24.
- Вуліца Рэвалюцыйная, 4 і 6.
- Аб зацьверджаньні сьпіса будынкаў і збудаваньняў, якія зьяўляюцца аб'ектамі гісторыка-культурнай спадчыны ў межах гістарычнага цэнтра Менска
- Перайменаваньні менскіх вуліцаў падчас нямецкай акупацыі
- Антон Адамовіч "Менску (на ўгодкі вялікае пажогі)"
- Ведамасныя жылыя дамы ў цэнтры Менска
- Рэвалюцыйная вуліца
- Ленінградская вуліца


Наш гузік



код гузіка



Лічыльнікі