Жыхары вуліцы Танка супраць пабудовы бізнэс-цэнтра

Спачатку бульдозер — потым сход. А чаму не наадварот, задалiся пытаннем тысячы жыхароў дамоў № 4, 6, 10, 30, 36 па вулiцы Максiма Танка ў Мiнску i ў пошуку адказу звярнулiся ў розныя iнстанцыi, у тым лiку i ў "Звязду". Людзi былi катэгарычна нязгодныя з планамi будаўнiцтва побач шматфункцыянальнага бiзнэс-цэнтра. У сiтуацыi разбiраўся наш карэспандэнт.

Унiкальны па параметрах ланцужок жылых дамоў пад адным дахам па вулiцы М. Танка шмат гадоў таму мiнчане празвалi "Кiтайскай сцяной". Вiдаць, за яго амаль кiламетровую даўжыню. У свой час тут атрымлівалi кватэры вядомыя людзi: лiчаныя перадавiкi вытворчасцi, а ў асноўным пiсьменнiкi, артысты, навукоўцы i, зразумела, як бы сёння сказалi, менеджары высокага рангу з партыйнага i савецкага апаратаў. Карацей, публiка салiдная, адукаваная.

Напрыканцы мiнулага года па "Кiтайскай сцяне" папаўзлi чуткi, што спрытнюгi-дзялкi пад выглядам упрыгожвання горада "прабiлi" ў Мiнгарвыканкаме дазвол пабудаваць на месцы былога сквера нешта такое агромнiстае, высокае, шырокае i самае галоўнае — мала патрэбнае. А калi iх задума здзейснiцца, то жыцця не будзе ў цянi i шуме гэтых хмарачосаў, а экалагiчная абстаноўка рэзка пагоршыцца. А потым, як часта бывае, увогуле сталi распаўсюджвацца самыя неверагодныя "каментарыi" i плёткi. Перспектыва блiзкага суседства з велiзарнымi гмахамi, адсутнаць праўдзiвай iнфармацыi палохала людзей. Iм было цяжка ўявiць, што на месцы былога скверыка хутка пачнуць узводзiць гiганцкiя вежы да неба. Навошта, каму гэта патрэбна, з якой нагоды, гублялася ў здагадках насельнiцтва "Кiтайскай сцяны". Мiж iншым, гэта амаль пяць тысяч чалавек.

А калi ў студзенi ў скверы з’явiлiся бульдозеры, а на вялiкiм плакаце выява бiзнэс-цэнтра, то абурэнням людзей не было канца: як, чаму за iх спiнай? Яны сваё стаўленне да будоўлi выклалi ў пiсьме ў Адмiнiстрацыю Прэзiдэнта i Мiнгарвыканкам, сабралi больш за 200 подпiсаў. Маглi i больш, але палiчылi, што колькасць падпiсантаў тут не мае прынцыповага значэння.

Рэакцыяй на гэтыя звароты стаў сход, якi адбыўся 24 сакавiка ў суседняй школе. Але паводле пiсьма ў "Звязду", ён не задаволiў людзей. Iм вельмi не спадабалася сама арганiзацыя сустрэчы. Яна, на погляд маiх суразмоўцаў, вельмi нагадвала наўмысна зафармалiзаванае мерапрыемства дзеля наступнай справаздачы аб прынятых мерах у высокiя iнстанцыi. Анатоль Гусеў (адзiн з аўтараў зваротаў) расказвае пра асобныя характэрныя дэталi таго сходу. Выпадкова цi не, але аб’яву аб месцы, даце i часе "грамадскага абмеркавання праекта бiзнэс-цэнтра з удзелам прадстаўнiкоў зацiкаўленых арганiзацый" (цытую па арыгiналу аб’явы) чамусьцi ля пад’ездаў зацiкаўленых жыхароў вывесiлi ранiцай, калi большасць людзей ужо былi ў дарозе на працу цi спяшалася на яе, а таму на свежую паперку мала хто звярнуў увагу.

У вынiку на сход сабралiся далёка не ўсе ахвотнiкi — прыкладна паўсотнi. Размова, зноў жа мяркую па словах прадстаўнiкоў "Кiтайскай сцяны", адбылася на павышаных тонах, нервовай i гарачай. Народ на сход з’явiўся ўпарты i непахiсны, са сваiмi аргументамi i доказамi супраць. Прадстаўнiкам адмiнiстрацыi Цэнтральнага раёна i "зацiкаўленых арганiзацый "не ўдалося пераканаць прысутных у сваёй праўдзе. Iм чамусьцi не паверылi, што суперсучасныя i велiчныя сiлуэты шматпавярховых вежаў з металу i шкла ўпрыгожаць i ўзбагацяць знешнi выгляд цэнтра сталiцы. Наступныя звароты ў нашу газету ўдзельнiкаў сходу сведчылi як аб незадаволенасцi жыхароў вынiкамi размовы, так i нават аб узнiкненнi падазронасцi да мясцовай улады. Маўляў, цi сумленную гульню яна вядзе?

Па тлумачэннi мы звярнулiся ў камiтэт архiтэктуры i горадабудаўнiцтва Мiнгарвыканкама. Хацелi атрымаць iнфармацыю з першых вуснаў, але звязацца па тэлефоне са старшынёй камiтэта Вiктарам Нiкiцiным не атрымалася. У прыёмнай адказвалi: то ён не прыйшоў, то пайшоў кудысьцi, то ў яго нарада, то ён вельмi заняты i г. д. Патэлефанавалi мы аднаму з падначаленых Нiкiцiна — начальнiку аддзела ўзгадненняў праектаў Фёдару Жураўлёву з просьбай прадаставiць па магчымасцi поўную i аб’ектыўную iнфармацыю аб праекце. Але ён запатрабаваў напiсаць пiсьмо Нiкiцiну i толькi пасля яго дазволу, магчыма, будзе дадзена нейкая iнфармацыя. Такi парадак у камiтэце.

Парадак дык парадак. Хоць, скажу шчыра, гэткi спосаб узаемадзеяння з прэсай, у дадзеным выпадку дзяржаўнай, здаўся нам не ў духу сённяшняй дэбюракратызацыi органаў улады. Тым не менш, мы папрасiлi Нiкiцiна пiсьмова (калi вусна не атрымліваецца) растлумачыць, чаму i па якiх прычынах месцам будаўнiцтва бiзнэс-цэнтра выбрана пляцоўка па вул. М. Танка, якая ад гэтага будзе карысць гораду i жыхарам навакольных дамоў. Але пакуль адказу не атрымалi.

Затое ў адрозненне ад чыноўнiка камiтэта з намi ахвотна падзялiўся iнфармацыяй па аб’екце прадстаўнiк iнвестара (вядомай нафтагазавай кампанii расiйскага паходжання "Iтэра", уласнiкам якой з’яўляецца кiпрская ITЕRА Hоlding Ltd) — генеральны дырэктар сумеснага таварыства з абмежаванай адказнасцю "Iтэрабелбуд" Павел Падзiла. Ён адразу без анiякiх замшэлых i смешных па сённяшнiм часе папярэднiх умоў i бюракратычных "замарочак" (спачатку напiшыце, а мы "будзем глядзець"), пагадзiўся на размову. Павел Фёдаравiч не напускаў завесу сакрэтнасцi вакол бiзнэс-цэнтра, ён у курсе сiтуацыi i лiчыць, што яе трэба абмяркоўваць з грамадскасцю. Так i сказаў: мы адкрытыя для людзей.

Паводле слоў гендырэктара, пакуль iснуе толькi эскiзны праект бiзнэс-цэнтра. Яго папярэднi кошт — $220 млн. Яшчэ летась у жнiўнi праект быў ухвалены Саветам пры камiтэце архiтэктуры i горадабудаўнiцтва Мiнгарвыканкама, прайшоў амаль усе неабходныя ўзгадненнi, у тым лiку i з метрапалiтэнам, таксама праверылi грунты на мэтазгоднасць вышыннага будаўнiцтва. З гарвыканкамам ужо заключаны адпаведны iнвестыцыйны дагавор. Гэта будзе бiзнэс-цэнтр класа "А" — вышэйшай катэгорыi, аснову якога складуць дзве вежы: адна вышынёй 217 метраў. Яе 54 паверхi зоймуць офiсы, апарт-гатэль i пяцiзоркавая гасцiнiца. У iншай вежы (43 паверхi) таксама знойдуць прытулак офiсныя памяшканнi, шматузроўневы паркiнг на больш чым 1500 аўтамашын. Першыя два-тры паверхi цэнтра зойме гандлёва-забаўляльны комплекс, дзе можна будзе адпачываць як iндывiдуальна, так i праводзiць масавыя мерапрыемствы. На платформе цэнтра ўзвядуць крытую пешаходную зону, там закладуць газон, пасадзяць кусты i дрэвы. I такiм чынам атрымаецца свой мiнi-сквер замест страчанага. Побач па вул. Цiмiразева ўзвядуць элiтны жылы 30-павярховы дом на 174 кватэры палепшанай планiроўкi агульнай плошчай
252 тыс. кв.м з падземным паркiнгам. Прычым першыя чатыры паверхi будуць аддадзены пад адмiнiстрацыйна-бытавыя службы.

Такая адкрытасць кiраўнiка "Iтэрабелбуда", гатоўнасць весцi дыялог з грамадскасцю i СМI, абмяркоўваць спрэчныя пытаннi, на мой погляд, лепшая, чым імкненне схавацца ад iх. Бо за прамую i шчырую размову цяжка лiчыць сход 24 сакавiка, гаворыць аўтар пiсьма да нас Васiль Вiльтоўскi. Ён нават прыдумаў тэрмiн — "бульдозерная дыпламатыя". Бо спачатку запусцiлi бульдозеры на пляцоўку, пасеялi недавер, а затым запрасiлi на сход. А што перашкаджала зрабiць наадварот — спачатку прэзентаваць праект "зацiкаўленым" жыхарам суседнiх дамоў, выкласцi сваю пазiцыю, пагутарыць i параiцца з людзьмi, выслухаць iх меркаваннi, як гаворыцца, атрымаць зваротную сувязь. Гусеў, Вiльтоўскi i многiя iншыя "зацiкаўленыя" выступаюць за адкрыты, канструктыўны i вынiковы дыялог гарадскiх уладаў з насельнiцтвам. А яго пакуль няма.

Пра вельмi паказальную дэталь таго сходу паведамiў у пiсьме Вiльтоўскi ў пацвярджэнне свайго тэзiса аб "адсутнасцi ўзаемапаразумення памiж уладай i грамадзянамi па важных аспектах горадабудаўнiцтва". Васiль Антонавiч узгадаў, як на сходзе начальнiк аддзела Жураўлёў скардзiўся прысутным на тое, што ў Мiнску штогод праходзяць працэдуру ўзгаднення каля 500 праектаў новых збудаванняў i амаль па кожным жыхары суседнiх дамоў пiшуць скаргi. Факт цiкавы ў розных адносiнах. Няўжо ў Мiнску такое цьмянае, несвядомае, эгаiстычнае i надзвычай варожае прагрэсу насельнiцтва, якое далей свайго носа нiчога не хоча бачыць? Няўжо скандалы пасля няўдалай спробы выселiць жыхароў дома адной з цэнтральных вулiц горада — iмя К. Маркса, канфлiкты вакол будаўнiцтва аўтазаправак каля жылых дамоў цi са зносам вялiкай аўтастаянкi пад будаўнiцтва жылых дамоў непадалёк ад праспекта газеты "Правда" ўзнiкаюць выключна па вiне мiнчан?

А ўважлiва паслухаць людзей заўсёды карысна. Мне, напрыклад, здаецца слушнай аргументацыя прафесара, доктара навук Гусева. Да заходняй моды на хмарачосы ён ставiцца скептычна. У свой час Анатоль Дзмiтрыевiч працаваў па квоце Беларусi ў сакратарыяце ААН у Нью-Йорку, за час дыпламатычнай кар’еры наведаў шмат iншых вялiкiх гарадоў свету. I на свае вочы бачыў, што ўсюды месца пад узвядзенне хмарачосаў выбiралася з вялiкай дакладнасцю. У Нью-Йорку, якi ён няблага ведае, велiзарныя гмахi пабудаваны пераважна толькi на востраве Манхэтан, якi з’яўляецца суцэльнай каменнай плiтой. А вось на месцы сквера некалi была балоцiстая глеба, а пад "Кiтайскай сцяной", кажуць, залягаюць плывуны. Чаму ж тады прасядае фундамент гэтага дома, а ў кватэрах па сценах узнiкаюць трэшчыны? А хто будзе будаваць цэнтр, цi знойдуцца ў краiне спецыялiсты адпаведнай квалiфiкацыi? Дарэчы, па словах таго ж П. Падзiлы, узнiклi цяжкасцi з выбарам падрадных арганiзацый. Акрамя гэтага, трэба будзе зрабiць макет цэнтра ў маштабе 1:10 i "прадуць" яго ў аэрадынамiчнай трубе. А iх у Расii толькi дзве, яшчэ ёсць у Германii, Канадзе. Давядзецца некуды везцi макет.

Хмарачосы ў мiнскiм небе — з’ява пакуль унiкальная. Спрэчкi на тэму iх мэтазгоднасцi i месца пабудовы аб’ектыўныя i зразумелыя. З аднаго боку, чаму б на свабодным месцы не ўзвесцi што-небудзь гэткае прыгожае i сучаснае, арыгiнальнае, напрыклад, той жа бiзнэс-цэнтр па вулiцы М. Танка. Каб i карысць гораду была, i радавала вока мiнчан i гасцей сталiцы. Але з iншага боку, пачатак рэалiзацыi першага ў гiсторыi краiны такога вялiкага i незвычайнага камерцыйнага праекта, натуральна, выклiкаў пытаннi ў тысяч людзей, асаблiва тых, хто жыве побач. Iм, як зазначае А. Гусеў, вельмi цiкава ведаць, у чым заключаецца аб’ектыўная неабходнасць узводзiць комплекс хмарачосаў у самым цэнтры трох iнтэнсiўных транспартных магiстраляў i ў густанаселеным месцы, якiя гарантыi бяспекi?

Я далёкi ад намеру вучыць гарадскiя ўлады, як iм, што i дзе будаваць, але як жыхар Мiнска маю права выказаць свой пункт погляду на архiтэктурныя пераўтварэннi сталiцы. Узвядзенне бiзнэс-цэнтра мне не здаецца да канца ўзважаным рашэннем. Можа спачатку лепш было б паглядзець, як будзе рэалiзоўвацца беспрэцэдэнтны для Беларусi i ўжо разрэкламаваны "Iтэрай" праект па ўзвядзеннi на месцы аэрапорта Мiнск-1 дзелавога цэнтра сталiцы? Па даных маскоўскiх крынiц, ён будзе ў некалькi разоў большым за аналагiчны "Масква-сiцi". Дай Бог паспяхова справiцца з такiм каласальным аб’ёмам работ. Акрамя гэтага, нешта я не чуў супярэчанняў наконт "Мiнск-сiцi".

Леанiд Лахманенка
Звязда

 2008-05-14 13:57:16 Версия для печати

Папярэднія навіны

- Тозик предложил Китаю поучаствовать в реализации проекта "Минск-Сити"
- Бизнес-союзы Калинина и Карягина должны перенести Червенский рынок до 1 июня
- В Минске разработают единую концепцию застройки пр. Победителей
- Ладутько рассказал об автовокзале "Московский", застройке Уручья и историческом центре Минска
- Города-спутники могут появиться вокруг областных центров Беларуси
- Замминистра архитектуры: "Понятие "микрорайон" должно уйти в прошлое"
- Парки Минска готовятся к открытию сезона аттракционов
Туут Аархіў нававiнаў Стужка навінаў у RSS | Архіў навінаў па месяцох


Апошняе ў праекце

1. Інстытут фізкультуры. 1976-2006
2. Прывакзальная плошча 1954-2006
3. Прывакзальная плошча. 1956-2006
4. Вуліца Камсамольская з боку вуліцы Кірава. 1950-я-2006
5. Вуліца Камсамольская, жылы дом на скрыжаваньні з вуліцай Карла Маркса. 1951-2006
6. Спуск да праспэкта з боку вуліцы Чырвонаармейскай. 1956-2006
7. Вуліца Карла Маркса, скрыжаваньне з вуліцай Валадарскага. Пач. XX ст.-2006
8. Касьцёл Прысьв. Дзевы Марыі і будынак былога езуіцкага калегіюма. 1917-2006
9. Плошча Свабоды. Будынак былога базыліянскага кляштара. Кан. XIX ст.-2006
10. Плошча Свабоды. Вуліца Кірылы і Мяфодзія. 1918-2006
11. Плошча Свабоды. Катэдральны праваслаўны сабор Сьв. Духа. Кан. XIX ст.-2006
12. Тэатар імя Янкі Купалы. 1931 - 2006
13. Расейскі драматычны тэатар. 1929 - 2006.
14. Вуліца Карла Маркса. Музэй гісторыі і культуры Беларусі. 1938 - 2006
15. Скрыжаваньне вуліцаў Карла Маркса і Леніна. 1939 - 2006.
16. Праспэкт Незалежнасьці і ўваход у Цэнтральны сквэр. 1938 - 2006.


Меню



Пошук


 


Фотазамалёўкі


· Іншы Менск

polack.by – Сайт о городе Полоцке.


Апытаньне


На якой мове павінны гучаць абвесткі на менскім чыгуначным вакзале, ці дублявацца на некалькіх?

На беларускай
На расейскай
На беларускай і расейскай
На беларускай і польскай
На беларускай і ангельскай
На беларускай, расейскай і ангельскай
На беларускай, расейскай і польскай
На беларускай, польскай і ангельскай
На расейскай і ангельскай



Вынікі

Адказаў 1569
Іншыя апытаньні


Апошняе на форуме


Няма дадзеных


Апошнія артыкулы


- Васіль Шарапаў "Сённяшняе і заўтрашняе сталіцы"
- Анатолъ Вялюгін, Тарас Хадкевіч "Рукі дружбы"
- Мікола Ткачоў "Сцяг ветэрана"
- Тарас Хадкевіч "Мінскі трактар"
- Алесь Асіпенка "Поступ веку"
- Ніл Гілевіч "Мой горад"
- Аляксандр Міронаў "За пераездам"
- Іван Навуменка "Афрыка ў Мінску"
- Іван Грамовіч "Мінскія поры года"
- Сяргей Грахоўскі "Тры песні любві"
- Рыгор Няхай "Мінскія замалёўкі"
- Уладзімір Карпаў "Мінскія сустрэчы"
- Яфім Садоўскі "Андруша"
- Мікалай Аляксееў "Абарона Мінска"
- Кузьма Чорны "Мінск"
- Раман Сабаленка "Першы пробны"
- Янка Скрыган "Падзяка"
- Станіслаў Шушкевіч "Родны горад"
- Яўген Рамановіч "Беларуская хатка"
- Цімафей Саладкоў "Векапомны семнаццаты"
- Антон Бялевіч "Камароўка"
- Уладзімір Караткевіч, Адам Мальдзіс "Горад паўстае. 1863-1864"
- Кастусь Кірэенка "Вуліца Янкі Купалы"
- Аляксей Русецкі "Аб Мінску"
- Алесь Бачыла "Самы лепшы горад"
- Еўдакія Лось "Мінчанка"
- Алесь Звонак "Ленінскі праспект"
- Міхась Калачынскі "На мінскіх вуліцах"
- Мікола Хведаровіч "Красуй, наш Мінск"
- Максім Лужанін "У роднай сталіцы"
- Максім Танк "Табе складаю гэты гімн"
- Аляксей Зарыцкі "Лебедзі"
- Анатоль Вялюгін "Палац піянераў"
- Васіль Вітка "Няміга"
- Пятро Глебка "Дзень вайны"
- Аркадзь Куляшоў "Вуліца Маскоўская"
- Анатоль Астрэйка "Плошча Свабоды"
- Піліп Пестрак "Кірмаш" Урывак з паэмы
- Янка Купала "Водклік з 29 кастрычніка 1905 г. у Мінску"
- Мікола Аўрамчык "Домік I з'езда РСДРП"
- Рыгор Барадулін "Мянеск"
- Пімен Панчанка "Слова пра Мінск"
- Павал Севярынец. "Нацыянальная ідэя". Вытрамкі.
- Прывілей Менску на Магдэбургскае права 1499 года
- Вуліца Валадарскага, 13. Дом фон Гельперсен.
- Вуліца Ракаўская, 14. Дом Рубінштэйна.
- Вуліца Рэвалюцыйная, 15. Дом Бакштанскага.
- Вуліца Ракаўская, 17, дом Чэрчыса.
- Вуліца Герцэна, 4. Дом Вігдорчыкаў
- Вуліца Валадарскага, 4. Дом Старобінскай.
- Вуліца Рэвалюцыйная, 13. Дом Варгафціка
- Вуліца Камсамольская, 7
- Вуліца Рэвалюцыйная, 24. Дом Залкінда.
- Вуліца Рэвалюцыйная, 11. Дом Фішэра.
- Вуліца Рэвалюцыйная, 22. Дом Фішэра.
- Вуліца Рэвалюцыйная, 28. Дом Ельскіх.
- Рашэньне Менскага гарадзкога Савета дэпутатаў ад 5 верасьня 1991 г. №167 "Аб гербе г.Мiнска i аб вяртаннi гораду яго гiстарычнай назвы Менск"
- Галіна Булыка "Стары Менск"
- Брылевічы
- Вуліца Савецкая, 17
- III Дом Саветаў. Вуліца Максіма Багдановіча, 23.
- I Дом Саветаў, вуліца Савецкая, 19
- Адкрыты ліст гісторыкаў аб неабхонасьці спыненьня гвалтоўнага разбурэньня гістарычнага цэнтра Менска
- М Валодзін "Койдановская", верш
- М.Валодзін "Музыкальный переулок", верш
- М. Валодзін "Соборная площадь", верш
- Ракаўская вуліца, 24.
- Вуліца Рэвалюцыйная, 4 і 6.
- Аб зацьверджаньні сьпіса будынкаў і збудаваньняў, якія зьяўляюцца аб'ектамі гісторыка-культурнай спадчыны ў межах гістарычнага цэнтра Менска
- Перайменаваньні менскіх вуліцаў падчас нямецкай акупацыі
- Антон Адамовіч "Менску (на ўгодкі вялікае пажогі)"
- Ведамасныя жылыя дамы ў цэнтры Менска
- Рэвалюцыйная вуліца
- Ленінградская вуліца


Наш гузік



код гузіка



Лічыльнікі