Галіна Булыка "Стары Менск"

Адаму Глобусу

1. Траецкае прадмесце

Прыступкі. Кавярня маленькая.
Утульны і мяккі вітраж.
Прасценкі, засланыя ценямі.
Над каваю дыму віраж.

Да кубачка чорнае кавы
Я цукру кавалак нясу,
…Салодзіць смак часу гаркавы
Адноўленай вечнасці сум.


2. Касцёл

Двор без шуму, без твараў, без дрэў
Двор, што вокнамі ў вокны глядзеў,
Межы-гмахі да хмараў прасцёр
І схаваў у шэрым змроку касцёл.

Паўразбураны і паўжывы,
Ён глядзеў у завулак крывы
З-за каменнасці цьмянай дамоў.
Я хадзіла тут столькі разоў.

І не ведала, што за сцяной
Век семнаццаты гранню жывой
Заблішчыць.
Хараства адкрыццё.
Узыходзіць у неба касцёл.


3. Верхні Горад

Паўзе па бруку цішыня
І разбіваецца аб крокі.
Кладзецца снег на плед шырокі,
Каб крылы зноў вясной узняць.
А з вуліц шум ледзь чутны йдзе,
Такі нязвычны і далёкі,
Па верхнім горадзе,
Дзе вокны,
Нібыта вочы тых людзей,
Што тут жылі.
Цябе сустрэне
Цвік рэха, убіты ў цішыню,
І водблеск даўняга агню,
І век чужы паўзмрочным ценем.

Very Happy Smile Sad Surprised Shocked Confused Cool Laughing Mad Razz Embarassed Crying or Very sad Evil or Very Mad Twisted Evil Rolling Eyes Wink Exclamation Question Idea Arrow
Школьный выпускной альбом.

Меню



Пошук


 


Апошняе на форуме


Няма дадзеных


Наш гузік



код гузіка



Лічыльнікі