Кастусь Кірэенка "Вуліца Янкі Купалы"

ВЗуліца Янкі Купалы,
Родная сэрцу заўжды,
Памяці ты захавала
Даўняга часу сляды.
Сполах далёкіх пажараў...
Водгалас клятвы сяброў...
Песня — дзявочая мара —
На рыштаваннях муроў...
Год прамінае за годам.
Крочыць вясна за вясной,
Толькі ўспаміны заўсёды
Ўсюды праходзяць са мной.
Помню, як білі гарматы.
Помню, як Мінск наш гарэў,
Сумна на сэрцы салдата —
Быццам за міг пастарэў.
Песня Купалы тады нам
Вернай сяброўкай была.
Песняй Купалы Айчына
Нас на змаганне вяла.
Песні Купалавай сіла
Нас падымала на бой,
Быць чалавекам вучыла,
Волю прыносіць з сабой.
Век не забудзецца радасць
Як мы дадому прыйшлі,
Як мы над Домам урада
Сцяг пераможны ўзнялі.
Сёння зарніцы пажараў
Можа прысню толькі ў сне...
Песня — юнацкая мара —
Сёння ўсё чуецца мне.
Песню адразу пазнаю —
Сэрца Купалава ў ёй,
Любасць да роднага краю
Славіць яна над зямлёй!

купить телевизор

Меню



Пошук


 


Апошняе на форуме


Няма дадзеных


Наш гузік



код гузіка



Лічыльнікі