МЕНСК.BY Родны горад жыве тут! |
Пятро Глебка "Дзень вайны"
У бомбы злітыя агні I зло, спрасованае ў пліткі, Знішчаючы жыццё й набыткі, Ляцелі з чорнай вышыні. I заняліся скрозь пажары — Гарэў завод, кнігарня, дом... I дыму шэрыя стажары, I пах удушлівае гары Заслалі горад палатном. I хоць адзіны светлы дом бы! Вісіць пад небам бляхі ліст, Руіны, прорвы, катакомбы, I скрозь агонь, i бомбы, бомбы, I страшны гул, i страшны свіст. Нарэшце вызарыўся вечар, I стала ціха. 3 блізкіх гор Падзьмуў лясны гарачы вецер. Унурыўшы галовы ў плечы, Жывыя выпаўзалі з нор. Збянтэжаны, але разважны I абнадзеяны народ Зашавяліўся, як мурашнік, I па руінах вуліц страшных У поле рынуўся — на ўсход. Ён высыпаў на ўсе дарогі — Жывыя тысячы людзей. Балелі рукі, млелі ногі, Старыя падалі ад змогі, I чуўся плач і крык дзяцей. Яны ішлі ўсё далей, далей, А гнеў назад, на помету зваў. I перад імі днелі далі, За імі вуліцы палалі — Там родны горад дагараў. 1941 г. |
МенюПошукАпошняе на форумеНяма дадзеных Наш гузік
Лічыльнікі |